As ’n span, is dit vir ons ’n voorreg om ander te ondersteun, of dit nou deur plaaslike projekte of lekker kuierplekke is. Ons is dankbaar vir elke geleentheid om ’n verskil te maak op elke pasiënt se reis van vel- en gesondheidstransformasie, en voel regtig geëerd om jou gekose vennoot te wees.
In hierdie nuusbrief deel ons persoonlike nuusbrokkies, ons vertel jou meer oor ons eksklusiewe lidmaatskapprogram, gee praktiese velsorgwenke en deel selfs ’n paar reiswenke!
Vat ’n oomblik, sit terug en kyk saam met ons terug na die laaste paar maande wat ons gevul het met spesiale oomblikke. Leer ken ons harte beter, en ontdek hoe ons jou kan ondersteun op jou pad na welstand en selfvertroue.
Tydens Julie het ons nie net Skin Renewal se 20ste bestaansjaar gevier nie, maar ook die verjaarsdae van ons drie ongelooflike spanmaats: Megan Uithaler, Cari Ellis en Charlé Grobler.
Ons het dit omtrent behoorlik geniet met kolwyntjies, makaroons, en baie lag en liefde! Julle energie, vriendelikheid en toewyding maak elke dag ligter vir almal rondom julle. Julle is goud werd, en ons waardeer julle verskriklik baie.
Skin Renewal se verjaarsdagviering het onderandere bestaan uit 20 dae van weggee-pret, en almal in die span is bederf met 'n heerlike Marnella-makaroon, ’n stukkie Stellenbosch wat regoor die land na kollegas en besigheidsvennote gestuur is.
Ons span het heerlik gekuier by die pragtige Ya-Ya, ’n geleentheid om terug te kyk op ons ongelooflike reis, harde werk, en vorentoe te kyk na nog baie suksesvolle, gelukkige, gesonde jare van transformasie saam.
Moet nie vergeet dat, afhangende van jou lojalitietsvlak of lidmaatskapprofiel, kan jy ook ’n spesiale bederfie op jou verjaarsdag ontvang!
By Skin Renewal glo ons in teruggee - nie net in lojaliteitspunte, resultate en sorg nie, maar ook in tyd, liefde en energie. Hierdie winter het ons harte warm gehou deur twee betekenisvolle dae te ondersteun: Slipper Dag en Mandela Dag.
Op Slipper Dag het ons in ons warmste pantoffels kom werk as deel van die wêreldwye fondsinsameling vir Reach For A Dream, ‘n instansie wat kinders met lewensbedreigende siektes se drome laat waar word. Die kinders se drome wissel van ‘n kaassmeerbroodjie tot ‘n droom vakansie! Vir net ‘n R20 skenking saai ons hoop vir hierdie wonderlike projek.
Op 18 Julie, vier Suid Afrika Mandela-dag deur vir 67 minute terug te gee aan die gemeenskap op ‘n manier wat die gees van Madiba eer.
Die Stellenbosch Span het die ACVV Tinktinkie skool in Somerset-Wes besoek. Die skool het tans 150 kinders en maak staat op borge om die leiers van more optelei. Daar is ‘n groot nood aan eenvoudige items soos speelgoed, kinderboeke, stoorbokse, ‘n kostrollie, kunsbenodigdhede en wasgoedmandjies. Kontak ons gerus vir ‘n volledige lys van benodigdhede indien jy voel jy wil ook betrokke raak, of ‘n item of twee op hulle wenslysie het wat rondstaan by die huis.
As ons landswye liefdadigheidsprojek ondersteun ons steeds ILoveBoobies wat fondse insamel vir die bewusmaking en identifiseering van borskanker (in mans en vrouens!). Jy kan help om bewustheid te kweek deur ‘n paar sokkies te koop in die tak, of gebuikte bras te skenk.
Die allergewilde virtuele Imagine Challenge vind ook weer in Oktober plaas. Hou ons sosiale media dop om te sien hoe jy deel kan wees en ’n verskil kan maak.
Soms is dit die klein dinge in die lewe wat die grootste impak maak.
Jou vel is in kundige hande, met die nuutste hulpmiddels tot ons beskikking.
Ons streef voortdurend daarna om die beste aan ons pasiënte te bied, en het onlangs ons terapeute se iPads opgegradeer vir beter gehalte voor-en-na-foto's, tot meer akkurate dokumentasie van jou velsorgreis en resultate.
En, wie hou dan nou nie daarvan om die boks van ‘n nuwe iPad oop te maak nie…?
Gepraat van iPads : het jy al in jou eie profiel op ons “Patient Portal” ingegaan? Daar het jy toegang tot jou persoonlike inligting, behandeling- en produkgeskiedenis asook betalings wat gemaak is. Vra gerus ons lieflike Concierge, Phatishwa, vir hulp wanneer jy weer hier by ons is.
Dr Rulene is ‘n gesoute reisiger, en is pas terug van ’n familie-toer deur Amerika. Sy deel nie net reiswenke en bestemming-idees nie, maar ook haar velsorg-geheime vir op reis:
SPF50: Dr Rulene se gunsteling sonskerm is die Heliocare 360 Age Active Solution met breëspektrum-beskerming.
Eenvoud:
- Oggend Roetine: Reinig, Bevogtig en Sonskerm
- Aand Roetine: Reinig, Serum en Bevogtiger
- Herverpak: Gebruik reisgroottes om plek te spaar
*Hierdie eenvoudige stappe help om jou jou vel gesond en stralend te hou, waar jy ook al gaan.
Winter is amptelike laser-seisoen, en daar’s geen beter tyd om te begin met jou vel se herstelreis nie. Terwyl jy toegedraai is in ‘n serp en verskeie lae klere asook meer tyd binnenshuis spandeer, kan jou vel hard werk om te vernuwe, herstel en transformeer.
Dit is nou die perfekte tyd vir Cutera Pearl Fusion, Pearl Fractional en CO2: ons goue standaard behandelings vir dramatiese resultate. Hierdie gevorderde lasers is uiters doeltreffend vir diep plooie, ernstige sonbeskadiging, growwe tekstuur en aknee-littekens. Dit helder nie net die vel op nie, maar stimuleer ook kollageen op ’n dieper vlak.
Hierdie behandelings kom saam met meer hersteltyd, maar pasiënte wat dit aanpak, sê gereeld hulle wens hulle het dit vroeër gedoen. Die resultate is langdurig, en die selfvertroue wat volg, is goud werd.
Is JY gereed om die groot kanonne in te span?
Ervaar hoe jou gelaat in die winter transformeer met hierdie doelgerigte behandelings!
Stel jou voor jy kan die hele jaar deur spog met besparings, luukse behandelings en eksklusiewe voordele, sonder om te wag vir ’n promosie. Met ons Elite Lidmaatskap Program geniet jy onmiddellike afslag op alle behandelings en produkte, komplimentêre geskenkbewyse, asook prioriteitstoegang tot ons gewildste afsprake en spesiale geleenthede.
Of jy nou Onyx, Gold of Diamond kies, jy word elke maand beloon met voordele wat jou vel laat gloei en jou ervaring onvergeetlik maak.
Ons YouTube-kanaal is jou bestemming vir insigte van ons dokters, werklike oplossings en alles wat jy nodig het om selfvertroue in jou vel te hê.
Soos ons mylpale vier, innovasie omhels, en sorg vir onsself en mekaar, is dit duidelik dat ons krag in eenheid en passie lê. Dankie dat jy deel is van hierdie vervullende reis. Bly geïnspireerd, bly stralend, en weet, ons is hier om jou vel en gesondheid met elke stap te ondersteun.
Tot volgende keer, bly warm!
Charleen en die Skin Renewal Stellenbosch-span